മുകളില് കൊടുത്തിരിക്കുന്നത് മലയാളിയുടെ, ലക്ഷങ്ങളുടെ വായനയുടെ ഊറ്റം കൊള്ളുന്ന, ‘മനസ്സാക്ഷിയുടെ’ തലവാചകമാകുന്നു. ഇഷ്ടമുള്ളതിനെയൊക്കെ, അതു കരിക്കട്ടയായാലും, പൊന്നാക്കിയും, ‘പിടി‘ക്കാത്തതിനെ പുച്ഛത്തോടെ ഇടിച്ചു താഴ്ത്തിയും ഒരു നൂറ്റാണ്ടിലേറെയായി മലയാളിയുടെ തലച്ചോറിനെ ഉപ്പിലിട്ട മുത്തശ്ശിയുടെ പുതിയ ധര്മ്മത്തെക്കുറിച്ചു കേള്ക്കുക:
‘ഫ്ലിക്കര്. കോം‘ ല് നിന്ന് സനന്ദ് എന്ന ഏഴാം ക്ലാസ് വിദ്യാര്ത്ഥിയുടെ മനോഹരമായ ഒരു ഫോട്ടോ അടിച്ചുമാറ്റി സ്വന്തം പരസ്യമാക്കി. ഇവിടെ വായിക്കുക.
കയ്യോടെ പിടിക്കപ്പെട്ടപ്പോള് ഒരു ഉളുപ്പുമില്ലാതെ സനന്ദിന്റെ പേരുകൂടി ചേര്ത്ത് പ്രസിദ്ധീകരിച്ച് ‘ധര്മ്മ സംസ്ഥാപനം’ നടത്തി. സനന്ദ് താമസിക്കുന്ന എറണാകുളത്ത് ബ്ലാക്ക് & വൈറ്റ് ആയി പ്രസിദ്ധീകരിച്ച് ചിത്രത്തിന്റെ മുഴുവന് ഭംഗിയും ചോര്ത്തി കൂട്ടത്തിലൊരു ‘പാര‘യും!
കുറച്ചു കാലങ്ങള്ക്കു മുമ്പ് ശ്രീ ടോംസുമായി ‘ബോബനും മോളിക്കും’ വേണ്ടി കേരളം മുഴുവന് ഇളക്കി നടത്തിയ ‘ധര്മ്മസമര’ത്തെക്കുറിച്ച് ഓര്മ്മിക്കുക. ഓര്മ്മകള് ഉണ്ടായിരിക്കുന്നതിന്റെ ഒരു കുഴപ്പം നോക്കണേ!
‘എന്റെ പോക്കറ്റിലുള്ളത് എനിക്കു വേണം. തരം കിട്ടിയാല് ഏഴാം ക്ലാസ്സുകാരന്റെയായാലും ഞാന് അടിച്ചുമാറ്റും‘: അതത്രേ ‘ധര്മ്മോസ്മത് കുലദൈവതം’!
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
1 അഭിപ്രായം:
all should read this blog.
strongly reacting to the cheapest activity of Malayala Manorama, the so called journal giant of Kerala
Shame!
ഒരു അഭിപ്രായം പോസ്റ്റ് ചെയ്യൂ